Showing posts with label ഗ്രുപ്പ് പോസ്റ്റുകള്‍. Show all posts
Showing posts with label ഗ്രുപ്പ് പോസ്റ്റുകള്‍. Show all posts

Tuesday, 8 May 2012

ശലഭം.. (ഞാന്‍ നിങ്ങളുദ്ദേശിക്കുന്ന ആളല്ല)

0 comments
നീയൊരു ചിലന്തിയെങ്കില്‍ ഞാനൊരു ശലഭം
ആശകള്‍ക്ക് അതിരില്ലാതെ പാറിയെത്തി
നിന്റെ നൂലിഴകളിലെക്ക് ഇടറി വീണ പാവം ശലഭം
ഈ പ്രണയത്തിന്റെ പശിമയില്‍ ചിറകുകള്‍ ഒട്ടിച്ചേര്‍ന്ന്
മേലാകെ വരിഞ്ഞു മുറുക്കിയ നിന്റെ എട്ടുകാലുകളില്‍ നിന്നും..
രക്ഷപെടരുതെയെന്നു പ്രാര്‍ത്ഥിച്ച്
എന്റെ അവസാനം നിന്റെ മടിത്തട്ടിലാകട്ടെ
നിന്റെ പ്രണയം എന്നെ കാര്‍ന്നു തിന്നോട്ടെ
എന്റെ നെറുകയില്‍ നീ തന്ന ചുമ്പനവും
ഒരു തുള്ളി രക്തവും മാത്രം സുക്ഷിച്ചാല്‍ മതി
മണ്ണായിച്ചേരുമ്പഴും അതെന്റെ നെറുകയില്‍ ഒരു സിന്ദുര രേഖയാകട്ടെ !! 

ഇന്നിന്റെ യാത്ര (ഏകാന്ത സഞ്ചാരി)

2 comments
അവധിയും കഴിഞ്ഞു ആരവവും ഒഴിഞ്ഞു ! ഇപ്പോള്‍ കുത്തിപ്പറിക്കുന്ന ഏകാന്തത മാത്രം കൂട്ട് !പക്ഷെ ആരവങ്ങള്‍ക്കിടയിലും പ്രിയപ്പെട്ടവരെ ഓര്‍ക്കാത്ത ഒരു ദിവസവും പോലും എന്റെ ജീവിതത്തില്‍ ഉണ്ടായിട്ടില്ല എന്നത് തികഞ്ഞ ഒരു യാഥാര്‍ത്ഥ്യം !
അതുകൊണ്ടു എന്നെ സ്നേഹിക്കുന്നെന്ന് നടിക്കുന്ന ഈ ഏകാന്തതയുടെ കാപട്യം ഞാന്‍ മനസ്സിലാക്കുന്നു !
കാപട്യം അറിയുക എന്നത് എളുപ്പമല്ല! പക്ഷെ കാപട്യം അറിഞ്ഞാല്‍ ഒഴിവാക്കുക എന്നത് എളുപ്പമാണ് !
എളുപ്പമാകട്ടെ ഇന്നിന്റെ യാത്ര !!